"Манчестер Юнайтед" ярим ҳимоячиси Ганнибал Межбри доимий равишда "Севилья" футболчисига айланиши мумкин.
Хабарингиз бор, клублар тунислик футболчининг ижара шартларини келишиб олишган. Инсайдер Фабрицио Романонинг янгиланган маълумотларига кўра, "Севилья" келаётган ёзда "Манчестер Юнайтед"дан Межбрини 20 миллион еврога сотиб олиши мумкин.
Ганнибал Межбри жорий мавсумда Эрик тен Хаг жамоасида ўнта ўйин ўтказиб, битта гол урди. Трансфермаркт маълумотларига кўра, 20 ёшли футболчининг нархи 12 миллион еврога тенг.