Мадриднинг “Атлетико” клуби ҳимоячиси Чаглар Сёюнджю яқин келажакда клубини ўзгартириши мумкин.
Журналист Ягиз Сабунчўғлунинг ижтимоий тармоқларда хабар беришича, “Фенербахче” 27 ёшли футболчини ўз сафига қўшиб олишга рози бўлган. Истанбул клуби "Атлетико" билан боғланиб, Чаглар Сёюнджюни ижарага олиш таклифини билдирган.
Энди "канарейкалар" "матрасчилар" жавобини кутишмоқда. 2023/2024 йилги мавсумда Чаглар Сёюнджю "Атлетико"нинг тўққизта ўйинида қатнашди. Уларда Туркия терма жамоаси ҳимоячиси самарали ҳаракатлари билан кўзга ташланмади.
Transfermarkt портали Сёюнджюни 12 миллион еврога баҳолаган.
