Италия терма жамоасининг собиқ вингери, ҳозирда Канаданинг “Торонто” клубида ўйнаётган Федерико Бернардески “Ювентус”га қайтиш ниятида. Бу ҳақда Football Italia нашри хабар бермоқда.
Манбага кўра, 29 ёшли футболчи "Торонто"нинг ҳозирги ҳолатидан норози ва А Серия клубларидан бирида ўйнашга қизиқиш билдирмоқда. "Ювентус" вингер учун устувор вазифа бўлиб қолмоқда.
Қайд этилишича, туринликлар бошқа харидларга эътибор қаратган ва ҳозирча Бернардескини қайтариш устида ишламаяпти. Шартнома шу йилнинг январь ойида якунланиши даргумон.
Эслатиб ўтамиз, Бернардески "Ювентус"да беш йил (2017 йилдан 2022 йилгача) ўйнаган. Жорий мавсумда италиялик футболчи “Торонто” сафида барча турнирларда 33 та ўйин ўтказиб, 5 та гол ва 4 та голли узатмага муаллифлик қилган. Футболчининг Канада клуби билан шартномаси 2026 йил охиригача амал қилади. Transfermarkt порталига кўра футболчининг тахминий нархи 5 миллион еврони ташкил қилади.
