Italiya terma jamoasining sobiq vingeri, hozirda Kanadaning “Toronto” klubida o‘ynayotgan Federiko Bernardeski “Yuventus”ga qaytish niyatida. Bu haqda Football Italia nashri xabar bermoqda.

Manbaga ko‘ra, 29 yoshli futbolchi "Toronto"ning hozirgi holatidan norozi va A Seriya klublaridan birida o‘ynashga qiziqish bildirmoqda. "Yuventus" vinger uchun ustuvor vazifa bo‘lib qolmoqda.

Qayd etilishicha, turinliklar boshqa xaridlarga e’tibor qaratgan va hozircha Bernardeskini qaytarish ustida ishlamayapti. Shartnoma shu yilning yanvar oyida yakunlanishi dargumon.

Eslatib o‘tamiz, Bernardeski "Yuventus"da besh yil (2017 yildan 2022 yilgacha) o‘ynagan. Joriy mavsumda italiyalik futbolchi “Toronto” safida barcha turnirlarda 33 ta o‘yin o‘tkazib, 5 ta gol va 4 ta golli uzatmaga mualliflik qilgan. Futbolchining Kanada klubi bilan shartnomasi 2026 yil oxirigacha amal qiladi. Transfermarkt portaliga ko‘ra futbolchining taxminiy narxi 5 million yevroni tashkil qiladi.