"Барселона" "Манчестер Сити" бош мураббийи, аввалроқ Каталония клубини бошқарган Пеп Гвардиолани ФИФАнинг 2023 йилнинг энг яхши мураббийи номинаЦиясида ғолиб чиққани билан табриклади.
"Табриклаймиз, Пеп!" – деб пост қолдирди "Барселона" матбуот хизмати ижтимоий тармоқда.
Эслатиб ўтамиз, Гвардиола 2008 йилдан 2012 йилгача "Барселона" асосий жамоасини бошқарган. Бу даврда “кўк-анорранглилар” икки марта Чемпионлар лигасида зафар қучди, уч марта Испания чемпиони бўлди, икки марта Испания кубоги, уч марта Испания Суперкубоги, икки марта клублар ўртасидаги жаҳон чемпионати ва Европа Суперкубогида зафар қучди.
Ўтган йили “Манчестер Сити” Гвардиола бошчилигида бешта совринни қўлга киритди: Чемпионлар лигаси, Англия чемпионати, Англия кубоги, Европа суперкубоги ва клублар ўртасидаги жаҳон чемпионати.
