"Ливерпуль" мухлислари Англия терма жамоасининг собиқ бош мураббийи Свен-Йоран Эрикссонни "мерсисайдликлар" ва Нидерландиялик "Аякс" ўртасидаги афсонавий ўйинда мураббий сифатида кўришни исташмоқда.

"Аякс" ва "Ливерпуль" афсоналари ўртасидаги учрашув шу йилнинг март ойида "Энфилд"да бўлиб ўтади. "Қизиллар" мухлислари мерсисайдлик афсоналарни Свен-Йоран Эрикссон бошқариши учун кампания бошлашди, у аввалроқ у ҳар доим "Ливерпул"ни қўллаб-қувватлагани ва бу жамоага мураббий бўлишни хоҳлаётганини айтган эди.

Ўтган ҳафта шведциялик мутахассис саратон касаллигига чалинганини маълум қилганди. Эрикссоннинг сўзларига кўра, унинг энг яхши ҳолатда бир йил умри бор. Эриcссон 75 ёшда. Швециялик мутахассис 2001-2006 йилларда Англия терма жамоасини бошқарган. Свен-Йоран “Бенфика”, “Рома”, “Сампдория” ва “Лацио” клубларида ҳам ишлаган. Эрикссон "Бенфика"ни уч марта чемпионликка олиб чиқди ва "Рома" билан Италия кубогини қўлга киритди. 2022 йилдан 2023 йилгача Свен Швециянинг "Карлстад" клуби спорт директори лавозимида ишлаган.
​