Испаниялик журналист Франсуа Галлардо Твиттердаги ўзининг саҳифасида «Барселона»да Хавининг ўрнини эгаллаши мумкин бўлган мураббий номини айтди.

«Мичел менга келаси мавсумда «Барселона»нинг янги бош мураббийига айланишини айтди. "Барса" вакиллари у билан 3 та учрашув ўтказишган ва томонлар келишувга эришишга яқин турибди», — дея ёзди Галлардо.

Аввалроқ «Барселона» жорий ҳафтадаги ўйинларда салбий натижалар қайд этса, истеъфога чиқарилиши мумкинлиги ҳақида хабарлар тарқалди. Клубни Испания кубоги доирасида «Унионистас Саламанка» ва Ла лига доирасида «Бетис»га қарши баҳслар кутиб турибди.

Мичел эса айни пайтда «Жирона» бошқармоқда. Бу клуб Ла лиганинг 20-туридан кейин 49 очко билан пешқадам бўлиб турибди. 48 ёшли мутахассиснинг каталонияликлар билан шартномаси 2026 йилнинг ёзига қадар тузилган.