"Ан-Наср" "Реал Сосьедад" ярим ҳимоячиси Такефуса Кубони ўз сафига қўшиб олмоқчи. Relevo хабарига кўра, Саудия Арабистони клуби 22 ёшли япониялик вариантини Криштиану Роналдуга имконият яратадиган футболчилар қаторини кучайтириш мақсадида кўриб чиқмоқда.
Футболчи айни дамда Япония терма жамоаси билан Осиё Кубогида иштирок этмоқда. Унинг испан клуби билан амалдаги шартномаси 2027 йилгача мўлжалланган. Transfermarkt портали футболчининг нархини 60 миллион еврога баҳоламоқда.
Жорий мавсумда Кубо барча турнирларда 25 та ўйинда майдонга тушиб, 6 та гол урди ва 4 та голли узатмани амалга оширди.