Мадриднинг “Реал” клуби бош мураббийи Карло Анчелотти “Атлетико”га қарши Испания кубоги 1/8 финалида бўлажак ўйин ҳақида гапирди.
"Эртанги ўйин Суперкубокдагидан қийинроқ бўлади, чунки "Атлетико" ўз уйида жуда кучли. Олдинги дербилар бизга психологик устунлик беради деб ўйламайман. Ҳар бир учрашув бошқача.
Биз жуда қийин рақибга қарши ўйнаймиз. Бу турнирда ғалаба қозониши мумкин бўлган икки жамоа ўртасидаги ўйин бўлиб, бу ўйин даражасидан дарак беради.
Чемпионлик йўлаги бўлмаслиги мени безовта қиладими? Нима бўлишидан қатъий назар, ҳар бир клубнинг қарорини ҳурмат қиламан. Биз буни қиламизми? Бундай вазият юзага келганда, биз клуб учун энг яхши нарсани қиламиз", - дея Анчелотти сўзларини келтирмоқда Marca.
