Madridning “Real” klubi bosh murabbiyi Karlo Anchelotti “Atletiko”ga qarshi Ispaniya kubogi 1/8 finalida bo‘lajak o‘yin haqida gapirdi.

"Ertangi o‘yin Superkubokdagidan qiyinroq bo‘ladi, chunki "Atletiko" o‘z uyida juda kuchli. Oldingi derbilar bizga psixologik ustunlik beradi deb o‘ylamayman. Har bir uchrashuv boshqacha.

Biz juda qiyin raqibga qarshi o‘ynaymiz. Bu turnirda g‘alaba qozonishi mumkin bo‘lgan ikki jamoa o‘rtasidagi o‘yin bo‘lib, bu o‘yin darajasidan darak beradi.

Chempionlik yo‘lagi bo‘lmasligi meni bezovta qiladimi? Nima bo‘lishidan qat’iy nazar, har bir klubning qarorini hurmat qilaman. Biz buni qilamizmi? Bunday vaziyat yuzaga kelganda, biz klub uchun eng yaxshi narsani qilamiz", - deya Anchelotti so‘zlarini keltirmoqda Marca.