"Барселона" "Юргорден" клубининг 17 ёшли ярим ҳимоячиси Лукас Бергваллни ўз сафига қўшиб олмоқчи, деб хабар беради Relevo.

Охирги бир неча ой давомида давом этган музокаралардан сўнг Каталония клуби энди бу футболчи учун расмий таклиф тайёрламоқда.

Қайд этилишича, "блауграна" шартномани январь ойидаги трансфер ойнасида расмийлаштиришни режалаштирган, бироқ Лукас Швеция жамоасида июнгача қолади.

Футболчига Франкфуртнинг “Айнтрахт” клуби ҳам қизиқиш билдирмоқда, у аллақачон 10 миллион еврога яқин таклиф жўнатган, бироқ “Барселона” каттароқ суммани таклиф қилишга тайёр. Бергваллнинг ўзи учун ҳам "Барса"га ўтиш биринчи ўринда туради.

Ўтган мавсумда Лукас "Юргорден" учун 25 та ўйинда 2 та гол урди ва 1 та голли узатмани амалга оширди.