Ҳаммаси Оливье Жирунинг жорий мавсум охирида "Милан"ни тарк этиши томон кетмоқда.
A Серия гиганти ҳужум чизиғига ёшроқ футболчини қўшиб олмоқчи.
Relevo хабарига кўра, "россонерилар" 37 ёшли Жирунинг ўрнига Жошуа Зиркзее вариантини кўриб чиқмоқда.
Қайд этилишича, Зиркзеенинг амалдаги шартномасида 40 миллион еврога сотиб олиш варианти мавжуд.
Aйтиш жоизки, сўнгги пайтларда 22 ёшли Зиркзее миш-мишлар туфайли кўплаб клублар билан боғланиб қолган.
Шу билан бирга, "Болонья" қишда форвардни қўйиб юбормасликка қарор қилди.
Transfermarkt портали футболчини 30 миллион еврога баҳоламоқда.
