"Милан" бош мураббийи Стефано Пиоли "Удинезе"га қарши ўйиндаги шов-шувли воқеа ҳақидаги саволга жавоб берди.
"Россонерилар" дарвозабони Майк Меньян "Удинезе" мухлисларидан ўзига нисбатан ирқчиликка асосланган ҳақоратларни эшитиб, майдонни тарк этди.
Учрашув беш дақиқага тўхтатилди. Жамоадошлари франциялик дарвозабонни қайтишга кўндиришди, шундан сўнг ўйин давом этди.
Учрашув 3:2 ҳисобида миланликларнинг ғалабаси билан якунланди.
“Шубҳасиз, Меньяннинг ҳафсаласи пир бўлган. Мен шундай инсонга мураббийлик қилаётганимдан фахрланаман.
Майк ўзини мағрур ва адолатли тутди. Стадионда бунақа гапларни эшитишдан чарчадик. Ўйлайманки, бундай одамлар уйларида қолишлари керак", - деди Пиоли.
