Мадриднинг “Реал” клуби ярим ҳимоячиси Жуд Беллингем Ла Лиганинг 21-туридан ўрин олган “Альмерия”га қарши ўйинда (3:2) гол ва голли узатмани амалга оширди.
20 ёшли англиялик футболчи ўйиннинг 57-дақиқасида пенальтини голга айлантириб, ҳисобни 1:2 кўринишига келтирди. 90+9-дақиқада Жуд Дани Карвахалга голли узатмани узатиб, ғалабага ҳисса қўшди.
Бу ярим ҳимоячининг мадридликлар сафида 26 ўйинда киритган 18-гол ва саккизинчи голли узатмаси бўлди. Шу тариқа, инглиз футболчиси Мадрид клуби учун ҳар бир ўйинда ўртача битта самарали ҳаракат қилади.
14 та гол урган Беллингем Ла Лига мавсумининг тўпурарлари пойгасида худди шундай гол урган "Жирона" ҳужумчиси Артем Довбик билан бирга пешқадамлик қилмоқда.
