Каталониянинг «Барселона» клуби ҳужумчиси Лионель Месси жамоаси билан 2018 йилга қадар мўлжалланган шартнома тузганини маълум қилгандик. Футболчи битимга имзо чеккач, ўз фикрларини билдириб ўтди.
«Мен «Барса» сафида фаолиятимни давом эттиришни истайман. Бу ерда жудаям бахтлиман ва буни ҳар доим таъкидлаб келганман. 31 ёшимда қанақа ҳолатда бўламан, бунисини билмайман. Аммо Европадаги фаолиятимни айнан «Барселона» сафида якунлашимни таъкидламоқчиман».
«Европанинг бошқа клубига ўтиш имкониятларини кўриб чиқмайман. Бошқа мамлакатларда таклифлар борасида Аргентина истисно. Балки фаолиятимни ватанимда тугатарман», дея Мессининг сўзларидан иқтибос келтирмоқда клуб расмий сайти.