"Барселона" ҳужумчиси Роберт Левандовски Испания кубоги 1/8 финалида "Унионистас Саламанка" жамоасига қарши ўйиндан сўнг (3:1) каталонияликлар устози Хавига эътироз билдирди, дея хабар беради Bar Canateles ижтимоий тармоқларда. Польшалик форвардга мураббийнинг асосий таркибни танлаши ёқмади.
"Кубок - бу бизнинг ғалаба қозониш учун ҳали ҳам яхши имкониятга эга бўлган ягона турнир, сиз кучлироқ таркибни танлашингиз керак эди", - деди Левандовски.
"Ходимларим билан ҳаммасини таҳлил қилдик, таркиб тўғри эди, - деб жавоб берди Хави.
20 турдан сўнг "Барселона" Испания чемпионати турнир жадвалида 44 очко билан тўртинчи ўринни эгаллаб турибди. Жамоа пешқадам “Жирона”дан 8 очко ортда қолмоқда.
