Мозамбик терма жамоаси қўшиб берилган вақтда киритилган иккита гол эвазига мағлубиятдан қутулиб қолди.
Ганаликлар 91-дақиқагача 2:0 ҳисобида олдинда боришди - Жордан Aйью икки марта пеналтидан гол уриб, дубл қайд этди.
Асосий вақт тугаши биланоқ Мозамбик пенальти тепиш имкониятига эга бўлди - Жени Катаму уни аниқ амалга оширди.
Яна уч дақиқадан сўнг Рейнилду Мандава учрашувдаги сўнгги голни киритди ва жамоасига дуранг келтирди - 2:2.
Opta хабарига кўра, тарихда биринчи марта Aфрика кубоги доирасидаги битта ўйинда пеналтидан учта гол урилган.
Гана ва Мозамбик терма жамоалари гуруҳ босқичи якунида бор йўғи икки очкога эга. Учинчи ўринни эгаллаган ганаликларнинг плей-офф босқичига йўлланма олишлари даргумон.
