Томас Тухелнинг "Бавария"даги фаолияти ҳали ҳам кўп саволлар туғдирмоқда.

Якшанба куни мюнхенликлар Бундеслига доирасидаги ўйинда кутилмаганда ўз майдонида “Вердер”га мағлуб бўлди (0:1).

Турнир жадвалида пешқадамлик қилаётган “Байер” билан орадаги фарқ етти очкони ташкил этади, амалдаги чемпионнинг ҳисобида битта ўйин бор.

Томас Тухель қўл остида "Бавария" ҳар бир ўйинда ўртача 2,11 очко тўплади - 2011 йилдан бери ҳар қандай жамоа мураббийининг энг ёмон кўрсаткичи, дея қайд этади TZ. Рўйхатда аввалроқ “Бавария” бошқарувида муваффақият қозона олмаган Нико Ковач (2,26) ва Карло Aнчелотти (2,28) ундан юқорироқда эди.

Рейтинг етакчиси Ҳанс-Дитер Флик бўлиб қолмоқда – 2,53 балл.