"Негрейра иши" деб аталадиган ишда раислик қилаётган ҳакам Хоакин Aгирре аллақачон ўз хулосаларини тақдим этган.
Яъни ҳужжатлар “Барселона”нинг ҳакамларга пора бергани ёки натижаларга таъсир кўрсатгани ҳақида ҳеч қандай далил топилмаганини кўрсатади.
Cope томонидан тақдим этилган маълумотларга кўра, ҳакам Aгирре ишни спорт коррупцияси туфайли эмас, балки фақат солиқ қонунчилиги бузилиши мумкинлиги сабабли текшириш ниятида.
Хосе Мария Энрикес Негрейрага тўловлар орқали спорт имтиёзлари олгани ҳақида ҳеч қандай далил топилмади.
Эслатиб ўтамиз, Негрейра бир вақтлар ҳакамлар техник қўмитаси вице-президенти бўлган. "Барселона" унга пул ўтказди ва буни яширмаяпти. Клуб ҳакамлар ҳисоботи учун пул тўлаганини даъво қилди.
