Каталониянинг "Барселона" клуби кейинги ёзда жамоада иккинчи мавсумини ўтказаётган марказий ҳимоячи билан хайрлашиши мумкин. Гап ўйин формаси раҳбариятга тўғри келмайдиган Жюль Кунде ҳақида кетмоқда.
Журналист Тони Хуанмартининг сўзларига кўра, 17 ёшли Пау Кубарсининг ривожланиши фонида раҳбарият 25 ёшли Кундени сотиш ҳақида жиддий ўйламоқда.
Эслатиб ўтамиз, Кунде 2022 йилнинг ёзида "Севилья"дан 50 миллион евро эвазига "Барселона"га ўтган эди.