«Барселона» ҳужумчиси Леонель Месси Испания чемпионати 23 туридан ўрин олган «Гетафе»га қарши ўйиннинг одатдагидан кўра эртароқ бошланиши натижага таъсир кўрсатмаслигини айтиб ўтди.
«Ўйиннинг кун ўртасида бошланишини кутмаган эдим. Балки қайсидир маънода бошқа ўйинлардан фарқ қилиши мумкин.
Одатда бу вақтда ёшлар жамоаси ўйин ўтказарди. Ҳар куни бу вақтда биз машғулотда бўламиз, лекин бу натижага таъсир кўрсатмаса керак»,- дейди Месси.
Эслатиб ўтамиз ўйин Тошкент вақти билан 16:00 да бошланади ва Спорт телеканали орқали жонли эфирда намойиш этилади.