Юрген Клопп мавсум охирида "Ливерпуль" бош мураббийлигидан кетишини маълум қилди.

Шу тариқа, мерсисайдликлар клуби яқин ойларда жамоага янги бош мураббий қидиради. Клоппнинг келажаги ҳақида эса ҳозирданоқ матбуотда турли маълумотлар пайдо бўлмоқда.

Испаниянинг Sport нашри хабарига кўра, "Барселона" президенти Жоан Лапорта жамоа бошқарувида немис мутахассисини кўришни орзу қилади.

Функционер фурсатдан фойдаланиб, Клоппни клубга таклиф қилиши мумкин. Эслатиб ўтамиз, аввалроқ матбуотда Хавининг мавсум охирида "Барселона"ни тарк этиши мумкинлиги ҳақида маълумотлар пайдо бўлганди.