«Реал» ҳимоячиси Серхио Рамос жамоасининг чемпионлар лигаси 1/8 финали доирасидаги «Манчестер Юнайтед»га қарши учрашув ҳақида фикр билдирар экан, Англия чемпионати унга ёқишини ва фаолиятини туманли альбионда давом эттириши эҳтимолдан ҳоли эмаслигини айтиб ўтди.

«Бизга «Манчестер Юнайтед» тушганидан хурсандман. Тарих ва анъаналар жиҳатидан оладиган болсак, «МЮ» премьер лиганинг энг муҳим жамоаларидан бири, худди «Реал» Ла-Лига учун кўп насра англатганидай.

Бундан ташқари менга инглиз футболи жуда ёқади. Бир вақтлар менга Англия ва Италия жамоаларидан таклифлар бўлган эди, лекин отам менга шундай деган эди: «Агар жамоангни алмаштирмоқчи бўлсанг, бир жамоада мувоффақиятга эришиб, бошингни кўтариб янги жамоага кетгин, бош эгиб эмас».

Мен фаолиятимни Испанияда давом эттиришни орзу қиламан, лекин мени Англия футболи доим мафтун этиб келган. Бир қатор дўстларим туманли альбионда тўп сурмоқда. Бу мен учун ҳам яхшигина тажриба бўлган бўларди»,- деб футблчининг сўзларидан иқтибос келтиради The Guardian.