Ҳимоячи Саша Боэ “Бавария” футболчисига айланиш арафасида.
Ижтимоий тармоқларда Мюнхенда 23 ёшли французнинг машинадан тушгани акс этган видео пайдо бўлди.
Кўринишидан, Боэ яқин соатларда тиббий кўрикдан ўтади. Муаммо аниқланмаса, ҳимоячи "Бавария" билан меҳнат шартномаси тузади.
Олдинроқ матбуотда "Бавария" Боэнинг қишки трансфери учун "Галатасарой"га 30 миллион евро тўлаши ҳақида маълумот пайдо бўлган эди.
2023/2024 йилги мавсумда Саша Боэ 31 та ўйин ўтказишга муваффақ бўлди. Уларда ҳимоячи иккита гол урди.