Мадриднинг “Реал” клуби Каталония клубидаги муаммолар туфайли энди “Барселона”ни ўйинчиларни қўлга киритиш учун курашда рақиб деб ҳисобламайди.
Relevo хабарига кўра, Мадрид клуби раҳбарияти "Барселона" топ ўйинчилар учун курашда рақобатчи эмас деган фикрда, чунки унинг "ўз муаммолари етарли". "Қироллик клуби" ўзининг асосий рақобатчиси сифатида Англия Премьер-лигаси клублари ва Франциянинг "Пари Сен-Жермен" жамоасини кўради.
Аввалроқ, "Барселона" бош мураббийи Хави жорий мавсум якунланганидан кейин, унинг натижаларидан қатъи назар, Каталония клубини тарк этишини маълум қилганди.