Madridning “Real” klubi Kataloniya klubidagi muammolar tufayli endi “Barselona”ni o‘yinchilarni qo‘lga kiritish uchun kurashda raqib deb hisoblamaydi.
Relevo xabariga ko‘ra, Madrid klubi rahbariyati "Barselona" top o‘yinchilar uchun kurashda raqobatchi emas degan fikrda, chunki uning "o‘z muammolari yetarli". "Qirollik klubi" o‘zining asosiy raqobatchisi sifatida Angliya Premyer-ligasi klublari va Fransiyaning "Pari Sen-Jermen" jamoasini ko‘radi.
Avvalroq, "Barselona" bosh murabbiyi Xavi joriy mavsum yakunlanganidan keyin, uning natijalaridan qat’i nazar, Kataloniya klubini tark etishini ma’lum qilgandi.
