"Атлетико Мадрид" бош мураббийи Диего Симеоне жамоанинг бельгиялик янги футболчиси Артур Вермереннинг истиқболлари ҳақида гапирди.
“Янги келган Артур Вермерен ҳақида қандай фикрдасиз? Унинг ҳозирги куни ва истиқболли келажаги бор. Биз у билан бирга ишлашимиз керак, бу ички рақобатни таъминлайди. Мен унга футболда ёш муҳим эмаслигини айтдим. Аксель Витсель 35 ёшда ва ҳар бир ўйинда ўйнайди. Шундай қилиб, Артур қанчалик тез мослашса, шунча яхши, чунки биз унинг қобилиятига ва келажагига ишонамиз. Лекин биз ишлашимиз керак. У ярим ҳимоянинг исталган жойида ўйнай олади, биз буни унинг Чемпионлар лигаси ўйинларида кўрдик", - дея Симеоненинг сўзларини келтиради Relevo.
Эслатиб ўтамиз, аввалроқ ОАВда “Атлетико” Вермеренни "Антверпен"дан қўшимча бонусларсиз 22 миллион еврога сотиб олгани ҳақида маълумот пайдо бўлган эди.
