Мадриднинг «Реал» клуби ҳимоячиси Серхио Рамос испан матбуотига берган интервьюси чоғида клуб бош мураббийи Жозе Моуриньонинг клубда қолишини хоҳлаётганини таъкидлаб ўтди.
«Биз Моуриньонинг «Реал»да қолишини истаймиз. Аммо қарорни унинг ўзи чиқаради. У — буюк мураббий. Моуриньо бошчилигида биз кўплаб ютуқларни қўлга киритишимиз мумкин. Охирги вақтларда тарқалган гаплар эса ҳақиқатга тўғри келмайдиган миш-мишлардир», дейди Рамос.
Эслатиб ўтамиз, бир неча бор тарқалган хабарларда португалиялик мутахассис ва унинг бир қатор етакчи футболчилар билан келиша олишмаётгани, уларнинг орасида Серхио Рамос ҳам борлиги таъкидлаб ўтилганди.