"Фулхэм"дан Жоау Палинья, "Реал Сосьедад"дан Мартин Субименди ва "Астон Вилла"дан Жейкоб Рэмси "Бавария" ўз таркибига қўшиб олмоқчи бўлган ярим ҳимоячилар рўйхатида. Бу ҳақда таниқли журналист Кристиан Фальк хабар берди.
Эслатиб ўтамиз, ёзги трансфер ойнасида мюнхенликлар Палиньяни қўлга киритишга яқин турганди, аммо сўнгги лаҳзада келишув барбод бўлди ва португалиялик футболчи "Фулхэм"да қолди. Жорий мавсумда Жоау Англия Премьер-лигасида 18 та ўйинда майдонга тушиб, 2 та гол урди ва битта голли узатмани амалга оширди.
Германия чемпионатининг 2023/2024 йилги мавсумида 19 турдан сўнг "Бавария" 47 очко билан турнир жадвалида иккинчи ўринда бормоқда. “Байер” пешқадам (49 очко).
