Осиё кубоги нимчорак финалидан ўрин олган яна бир даҳшатли учрашув якунига етди. Унда Иордания Ироқ устидан 3:2 ҳисобида зафар қучди.

Баҳсда Ал-Наймат ҳисобни очган бўлса, ироқликлар Натик ва Айман Ҳуссайн киритган голлар эвазига ҳисобда олдинган чиқиб олганди. Голни нишонлаш вақтида иккинчи сариқ карточкани ишлаб олган Айман Ҳуссайн майдондан четлатилди. Бир киши кўп бўлиб қолган Иордания иккинчи бўлимга қўшиб берилган 7 дақиқада 2 та гол уриб, чорак финалга чиқди.

Иордания энди чорак финалда қўшниларимиз Тожикистонга қарши майдонга чиқади.

Ироқ – Иордания 2:3
29 январь, 16.30, «Ҳалифа стадиони»
Голлар: 0:1 – 45 Ал-Наймат, 1:1 – 68 Натик, 2:1 – 76 Ҳуссайн, 2:2 - 90 Абу-Араб, 2:3 - 90 Ал-Рашдан
Ироқ – Ҳассан, Али, Натик (Аднан, 72), Сулака, Яхё (Доски, 54), Рашид (Али, 63), Баеш, Али Ясим, Al-Ammari, Ҳуссайн, Amyn (Икбал, 54).
Иордания – Абу-Лайла, Хаддад, Ал-Аджалин, Абу-Араб, Musallam Naseeb, Ал-Марди, Айед, Ал-Рашдан, Ал-Тамари, Олван, Ал-Наймат.
Огоҳлантиришлар: Musallam Naseeb (14), Ҳуссайн (45), Ал-Наймат (80).
Четлатиш: Ҳуссайн (77).