Фернанду Сантуш Криштиану Роналдунинг ЖЧ-2022даги хатти-ҳаракатлари ҳақида гапирди.
"Криштиану иккита ўйинни захирада бошлаганидан норози эди, аммо айтишим керакки, унинг жамоага муносабати бенуқсон эди. 6:1 ҳисобида ғалаба қозонган Швейцария билан ўйинда урилган голларни фаол нишонлади ва майдонга тушганида 100 фоиз кучини берди. Агар биз чорак финалда ғалаба қозонганимизда, эҳтимол у яна асосий таркибда майдонга тушган бўларди. Бу шунчаки тактик қарор эди ва бу мен учун жуда қийин бўлди.
Менда унга футболдан ташқари катта меҳр бор эди ва ҳозир ҳам бор. Бугун Роналду ажойиб формага қайтди, мунтазам ўйнади, ЖЧдан олдин бундай бўлмаган ва кўп гол урган. Мен у учун жуда хурсандман. Роналду барча даврларнинг энг яхши футболчиси", - деди Сантуш Asharq Al-Awsat билан суҳбатда.
