«Анжи» раҳбарияти яна «Манчестер Сити» марказий ҳимоячиси Коло Турени сотиб олиш вариантини кўриб чиқмоқда.
Ўтган мавсумда ҳам Одил Аҳмедов жамоасининг мутасаддилари футболчини ўз таркибларига қўшиб олиш борасида музокараларни олиб боришган эди, лекин «Манчестер Сити» футболчининг асосий таркибда кам майдонга тушаётганига қарамай, уни сотишдан бош тортишганди.
«Анжи» раҳбарияти футболчини сотиб олиш ҳақидаги қарорига қайтишига жамоани Кристофер Самбанинг тарк этиши сабаб бўлди. Самбанинг кетиши ҳимоя марказининг бўшаб қолишига олиб келди.
Эслатиб ўтамиз футболчининг шартномаси келаётган ёзда ўз ниҳоясига етади ва клуб ихтиёри билан жамоани тарк этиши мумкин.