"Бетис" ҳужумчиси Луис Энрике "Ботафого"га ўтади, дея хабар беради журналист Фабрицио Романо.
23 ёшли бразилиялик трансферни якунлаш учун тиббий кўрикдан ўтиш учун аллақачон ватанига учиб кетган. “Ботафого” футболчи учун 20 миллион евро тўлайди.
Энрике 2022 йилнинг июлида 8 миллион евро эвазига “Флуминенсе”дан “Бетис”га ўтган эди. 2023/24 йилги мавсумда форвард Испания жамоаси сафида барча мусобақаларда 21 та ўйинда майдонга тушиб, 1 та гол урди ва 3 та голли узатмани амалга оширди.
Transfermarkt.com портали футболчининг нархини 12 миллион еврога баҳоламоқда.
