Мюнхеннинг "Бавария" клуби қишки трансфер ойнаси ёпилгунга қадар камида яна битта харидни амалга ошириши мумкин.
Bild хабарига кўра, клуб янги вингерни таклиф қилиш ҳақида ўйламоқда. Aввалроқ “Бавария” жароҳат олган Кингсли Командан икки ойга айрилганди.
Серж Гнабри ҳам камида яна 3 ҳафтани ўтказиб юборишга мажбур бўлади. Бу борада “Бавария” раҳбарияти олдида танлов бор: ҳужумга янги ўйинчи сотиб олиш ёки ёш Матис Телга ишониш.
Эслатиб ўтамиз, 18 ёшли Тель Германия Бундеслигасининг амалдаги баҳсларида учта гол ва иккита голли узатмага муаллифлик қилган.
"Бавария"нинг номзодлар рўйхатида қайси вингерлар борлиги ҳозирча номаълум.
