"Милан" "Болонья" ҳужумчиси Жошуа Зиркзени ўз сафига қўшиб олмоқчи. Бу ҳақда Football Italia хабар бермоқда.

Манбага кўра, "россонерилар" раҳбарлари нидерландиялик футболчини ҳужумни кучайтириш учун муносиб номзод сифатида кўришмоқда. "Милан" келаси ёзда 22 ёшли футболчини 50-60 миллион еврога сотиб олишга ҳаракат қилади. Таъкидланишича, форварднинг собиқ жамоаси "Бавария" 40 миллион еврога сотиб олишда устувор ҳуқуққа эга. Бу Италия клублари ўртасидаги потенциал келишувни мураккаблаштиради.

Зиркзе "Болонья"да 2022 йилдан буён ўйнаб келмоқда. Жорий мавсумда форвард барча турнирларда 23 та ўйин ўтказиб, 9 та гол урди ва 4 та голли узатмани амалга оширди. Футболчининг Италия клуби билан шартномаси 2026 йилнинг июнь ойи охиригача амал қилади. Transfermarkt порталига кўра футболчининг тахминий нархи 30 миллион еврони ташкил қилади.

Аввалроқ, Зиркзега бошқа топ-клуб – “Манчестер Юнайтед”дан қизиқиш борлиги маълум бўлганди.