"Milan" "Bolonya" hujumchisi Joshua Zirkzeni o‘z safiga qo‘shib olmoqchi. Bu haqda Football Italia xabar bermoqda.
Manbaga ko‘ra, "rossonerilar" rahbarlari niderlandiyalik futbolchini hujumni kuchaytirish uchun munosib nomzod sifatida ko‘rishmoqda. "Milan" kelasi yozda 22 yoshli futbolchini 50-60 million yevroga sotib olishga harakat qiladi. Ta’kidlanishicha, forvardning sobiq jamoasi "Bavariya" 40 million yevroga sotib olishda ustuvor huquqqa ega. Bu Italiya klublari o‘rtasidagi potensial kelishuvni murakkablashtiradi.
Zirkze "Bolonya"da 2022 yildan buyon o‘ynab kelmoqda. Joriy mavsumda forvard barcha turnirlarda 23 ta o‘yin o‘tkazib, 9 ta gol urdi va 4 ta golli uzatmani amalga oshirdi. Futbolchining Italiya klubi bilan shartnomasi 2026 yilning iyun oyi oxirigacha amal qiladi. Transfermarkt portaliga ko‘ra futbolchining taxminiy narxi 30 million yevroni tashkil qiladi.
Avvalroq, Zirkzega boshqa top-klub – “Manchester Yunayted”dan qiziqish borligi ma’lum bo‘lgandi.
