Испания Ла лигаси президенти Хавьер Тебас Суперлига лойиҳаси ишга тушса, ўз лавозимини тарк этишга ваъда берди.
Эслатиб ўтамиз, яқинда Европа суди мусобақа ташкил этилишини маъқуллаган ва бошқа халқаро футбол ташкилотларига мусобақа бошланишига тўсқинлик қилишни тақиқлаган эди.
Ла Лига раҳбари Marca нашрига берган интервьюсида қисқача: "Агар Суперлига ташкил этилса, истеъфога чиқаман" - деди.
Суперлиганинг ташкил этилиши 18 ойгача давом этиши мумкинлиги ҳақида аввалроқ хабар берилган эди. Ҳозирча иштирокчи клублар қаторида Каталониянинг “Барселона”, “Реал Мадрид” ва Туриннинг “Ювентус” клублари бор. Англиянинг барча топ-клублари турнирда қатнашишдан бош тортишди.
