"Челси"нинг собиқ футболчиси Уильям Галлас машҳур мураббий Жозе Моуриньонинг келажаги ҳақида гапирди.

Эслатиб ўтамиз, Моуриньо яқинда жамоанинг ёмон натижалари туфайли “Рома”дан ҳайдалган эди.

"Менимча, Жозеда ўзига хос нарса бор. Ўйлайманки, у мураббий сифатида яна бир муҳим лаҳзага эга бўлиши мумкин. Ҳаммаси унинг эга бўладиган футболчиларига боғлиқ. Жозега жангчи футболчилар керак. Унга ўзи учун курашадиган, аммо мураббий танқидига дош бера оладиган ўйинчилар керак. Янги авлод футболчилари Жозе “Челси”, “Реал” ва “Интер”да муваффақиятли бошқарган авлоддан фарқ қилади, деб айтгандим. Ҳозирги кунда кўпчилик танқидни қабул қилмайди. Охирги рақс учун Жозе ўзи каби шиддат билан ишлашга тайёр бўлган ўйинчилар билан клубда бўлиши керак. “Рома” мухлислари уни ишдан бўшатилганига қарамай яхши кўришганини унутманг. Улар ўз футболчиларини танқид қилувчи ва уларни Моуриньо қўл остида ғалаба қозонишга журъат эта олмаётганликда айбловчи баннерларни кўтаришди" - деди Галлас Genting Casino билан суҳбатда.