Мадриднинг "Реал" клуби бош мураббийи Карло Aнчелотти турли жароҳатлар туфайли мавсумнинг биринчи ярмини ўтказиб юборган ярим ҳимоячи Aрда Гюлернинг соғлигини хавф остига қўйишга шошилмаяпти.
Relevo хабарига кўра, Aнчелотти 18 ёшли Гюлерда катта имкониятларни кўрмоқда. Мураббий ёш ярим ҳимоячининг машғулотларда кўрсатаётган ўйинидан қойил қолди.
Бироқ, сўнгги ойлардаги жароҳатлар тарихини ҳисобга олсак, Карло Aрдага ҳали кўп ўйин вақтини беришга шошилмаяпти.
Гюлер Ла Лиганинг ушбу мавсумида фақат битта ўйин ўтказишга муваффақ бўлди. Ёзда “Реал” иқтидорли ярим ҳимоячи учун Туркиянинг “Фенербахче” клубига 20 миллион евро тўлаган эди.
