"Болонья" ҳужумчиси Жошуа Зиркзее фаолиятини Италиянинг нуфузли клубида давом эттириши мумкин.
Football Italia журналистларининг хабар беришича, миланликлар 22 ёшли футболчини ўз сафига қўшиб олмоқчи.
"Россонерилар" ёзги трансфер ойнасида Зиркзеени сотиб олишни режалаштирмоқда. Клуб раҳбарияти футболчининг трансфери учун 50-60 миллион евро ажратишга тайёр.
Зиркзее “Болонья” сафида 2022 йилдан буён тўп тепади. Жошуа жорий мавсумда 23 та ўйинда қатнашиб, 9 та гол урди ва 4 та голли узатмани амалга оширди.
Футболчининг шартномаси 2026 йилнинг ёзига қадар тузилган ва унинг трансфер қиймати 30 миллионга баҳоланган.
