Мадриднинг «Реал» клуби ҳужумчиси Криштиану Роналду мадридликлар тўпурарлари рўйхатида олтинчи ўринга чиқиб олгач (183 та гол), бу борада етакчи бўлган Раулга (323та гол) ҳам етиб олишни кўзлаётганини таъкидлаб ўтди.

«Бу натижага эриша олганимдан хурсандман. Аммо мен олға бориб, бу борада ҳам биринчи ўринга чиқиб олишни истайман».

«Мен учун афсонавий тўпурарлар билан бир қаторда туриш катта фахр. Бу рўйхатда ўз исмимни кўриш менга ғурур бағишлайди».

«Мен ҳар доим рекордларни янгилаш кераклиги ҳақида гапирганман. Бу нарса биз учун ҳам, келажак авлод учун ҳам тўғри йўл», дейди португалиялик футболчи «Marca» нашрига берган интервьюсида.