"Манчестер Юнайтед" ва Камерун терма жамоаси дарвозабони Андре Онана терма жамоасидаги фаолиятини якунлаш ҳақида ўйламоқда.
Daily Mail хабарига кўра, Андрени бундай қадамга Африка кубогидаги тўртта ўйиндан атиги биттасида "шерлар" таркибида майдонга тушгани сабаб бўлиши мумкин. Унинг Камерун футбол федерацияси президенти Самуэль Это'О билан ҳам муносабатлари кескин.
Эслатиб ўтамиз, 2024 йилнинг январь-февраль ойларида бўлиб ўтаётган Африка кубогида Камерун терма жамоаси 1/8 финал босқичида Нигерия термасига имкониятни бой бериб, турнирни тарк этганди.