"Manchester Yunayted" va Kamerun terma jamoasi darvozaboni Andre Onana terma jamoasidagi faoliyatini yakunlash haqida o‘ylamoqda.
Daily Mail xabariga ko‘ra, Andreni bunday qadamga Afrika kubogidagi to‘rtta o‘yindan atigi bittasida "sherlar" tarkibida maydonga tushgani sabab bo‘lishi mumkin. Uning Kamerun futbol federasiyasi prezidenti Samuel Eto'O bilan ham munosabatlari keskin.
Eslatib o‘tamiz, 2024 yilning yanvar-fevral oylarida bo‘lib o‘tayotgan Afrika kubogida Kamerun terma jamoasi 1/8 final bosqichida Nigeriya termasiga imkoniyatni boy berib, turnirni tark etgandi.