Венгрия фуқароси Габриэлла Гаспар "Ал-Ҳилол"нинг бразилиялик ҳужумчиси Неймарни оталик текширувидан ўтишини талаб қилмоқда.
Terra нашри хабарига кўра, Гаспар Сан-Паулудаги (Бразилия) фуқаролик судига даъво аризаси берган. У Неймар билан Боливияда Бразилия терма жамоаси ўртоқлик ўйини ўтказаётганида танишганини ва футболчидан ҳомиладор бўлганини айтади.
Гаспард тўққиз ёшли қизининг туғилганлик тўғрисидаги гувоҳномасига отасининг исми кўрсатилишини ҳамда 30 000 евро миқдоридаги алимент тўлашни талаб қилмоқда. Унинг адвокати бу миқдор юқори эканлигини таъкидлайди, чунки тўлов орқага қараб сўралади. Тўққиз йил давомида ҳар бир бола учун барча харажатларни она ўзи қоплаган.
Жорий мавсумда Неймар "Ал-Ҳилол" сафида бешта ўйинда иштирок этиб, битта гол урди ва 3та голли узатмани амалга оширди. Бразилиялик ҳужумчи октябрь ойи ўрталарида терма жамоа ўйинида ўнг тиззасининг олдинги хоч бўғимини шикастлаб олганидан бери майдонга тушмаяпти.
