Мадриднинг «Реал» клуби Италиянинг «Наполи» клуби ҳужумчиси Эдинсон Каванини сотиб олиш учун навбатдаги таклифни жўнатди. Бу ҳақда «Tribalfootball» нашри хабар тарқатди.
Манбанинг маълум қилишича, «Реал» Кавани билан дастлабки келишувга эришиб бўлган. Энди клуб футболчини Испанияга олиб келиш учун неаполликлар билан музокарани якунлашса бўлгани.
Неаполликлар президенти Аурелио де Лаурентис «Реал»нинг 50 миллион евро миқдоридаги трансфер нархидан иборат таклифига рад жавобини берганди. Аммо қаймоқранглилар футболчининг трансфери нархига яна 6 миллион қўшиш таклифини билдиришган.
Эслатиб ўтамиз, Каванининг шартномасига кўра, унинг «Наполи»дан исталган пайтда кетиши мумкин бўлган сумма 63 миллион евро деб кўрсатилган.