ЦСКА ҳужумчи Венделга қизиқиш билдирмоқда, аммо клуб унинг учун 5 миллион евро тўлашга тайёр эмас.
РТ хабарига кўра, ЦСКАнинг "Порту" ҳужумчиси Венделга қизиқиш билдираётгани ҳақидаги маълумотлар ҳақиқат.
Манбага кўра, москваликлар 23 ёшли бразилияликнинг салоҳиятини юқори баҳолайди, бироқ у учун 5 миллион евро тўлашга тайёр эмас.
Аввалроқ Португалияда ЦСКА Вендел да Силва учун 2,5 миллион евро таклиф қилгани, бироқ “Порту” рад жавобини бергани ҳақида хабар берилганди. Форварднинг клуб билан шартномаси 2024 йилнинг ёзида якунига етади.
Вендел Португалия иккинчи дивизионида "Порту"нинг иккинчи жамоасида ўйнайди. У 12 та гол билан тўпурарлар рўйхатида иккинчи ўринда бормоқда.