Колумбиялик марказий ҳимоячи Йерри Мина “Фиорентина”ни тарк этди. Бу ҳақда расман "бинафшаранглар" матбуот хизмати хабар бериб, колумбиялик футболчига омад тилади.
Минанинг янги клуби "Кальяри" бўлади. Transfermarkt маълумотларига кўра, Мина оролликлар билан жорий мавсум охиригача автоматик равишда яна бир йилга узайтириш имконияти билан шартнома имзолади.
Мина бу мавсумда "Фиорентина"да тез-тез ўйнамади. Унинг бу жамоа сафида бор йўғи еттита учрашуви бор.
Эслатиб ўтамиз, аввалроқ фаолиятида ҳали 29 ёшни қаршилаган ҳимоячи "Барселона" ва "Эвертон" клубларида ўйнаган. У Колумбия терма жамоаси сафида қирқдан ортиқ ўйин ўтказиб, еттита гол урган.
