Испанияда ўтказилаётган "Boxam” халқаро турнири доирасида кеча 6 нафар боксчимиз ярим финал жангларини ўтказди.

Руслан Абдуллаев (63,5 кг) жароҳат сабаб рингга кўтарилмаган бўлса, -92 кг вазнда баҳс олиб борган боксчимиз Лазизбек Мулложонов эса, ҳакамлар қарорига кўра, мезбон давлат вакили Реес Пла Эммануелга 3:2 ҳисобида имкониятни бой бериб қўйди ва мусобақани бронза медали билан якунлади.

Қолган 4 нафар ҳамюртимиз ўз жангида ғалаба қозониб, финал йўлланмасини қўлга киритди.

Ярим финалда жанг қилган боксчиларимиз ва уларнинг натижалари билан танишинг:

-63,5 кг. Руслан Абдуллаев - Кумар Амит (Ҳиндистон) - ҳамюртимиз жароҳат сабаб рингга чиқмади;

-63,5 кг. Мужибилло Турсунов - Мcкай Cамерон (Англия) - 3:2;

-71 кг. Ҳавасбек Асадуллаев - Бернад Франк Мартинез (Испания) - 5:0;

-80 кг. Тўрабек Ҳабибуллаев - Сағин Сатибалди Уулу (Қирғизистон) - 5:0;

-92 кг. Лазизбек Мулложонов - Реес Пла Эммануел (Испания) - 2:3;

-92 кг. Шоҳжаҳон Абдуллаев - Риcардо Адриан Фреснеда (IBA) - 5:0.