Испания чемпионатининг 23-тури доирасида «Барселона» сафарда «Алавес» клуби меҳмони бўлиб, ўз ҳисобига 3 очкони ёзиб қўйди.

Учрашувнинг 22-дақиқасида каталонияликлар ҳужумчиси Роберт Левандовски дарвозасини ишғол қилган бўлса, иккинчи бўлим бошида Илкай Гюндоган фарқни иккитага оширди.

Орадан атиги 2 дақиқа ўтиб майдон эгалари битта жавоб тўпини киритишди. "Барса"нинг янги футболчиси Витор Роке 59-дақиқада захирадан майдонга тушди, 63-дақиқада гол урди ҳамда 67 ва 72-дақиқаларда иккита сариқ карточка олиб, майдонни тарк этди.

"Алавес" ўйиннинг қолган қисмида бир киши кўп бўлиб ўйнаган бўлса-да, рақиб дарвозаси яқинида хавфли вазиятларни юзага келтира олмади.

"Барса" ушбу ғалаба туфайли ўз очколарини 50 тага етказиб, жадвалда 3-ўринга кўтарилиб олди.

Испания чемпионати, 23-тур
Алавес – Барселона 1:3 (0:1)
Голлар: 0:1 – 22 Левандовски, 0:2 – 49 Гюндоган, 1:2 – 51 Омородион, 1:3 – 63 Роке.
Алавес – Сивера, Теналья (Хаджи, 77), Дуарте, Марин, Хави Лопес, Сола, Гуриди (Симеоне, 63), Антонио Бланко (Бенавидес, 77), Гевара, Риоха (Реббаш, 63), Омородион (Player, 88).
Барселона – Пенья, Кунде, Араухо, Кубарси (Ромеу, 83), Жоау Канселу (Форт, 46), Кристенсен (Мартинес, 82), Гюндоган (Роке, 59), де Йонг, Педри (Лопес, 74), Ямаль, Левандовски.
Огоҳлантиришлар: Омородион (12), Роке (67).
Четлатиш: Роке (72).