"Манчестер Сити" раҳбариятининг ёзги трансферлар ойнасидаги режалари маълум бўлди. Журналист Сэм Лининг ёзишича, инглиз клуби қизиқишлари орасида Мюнхеннинг “Бавария” клубининг икки нафар етакчи футболчиси бор.
"Шаҳарликлар" ярим ҳимоячи Жошуа Киммих ва ҳужумчи Жамол Мусиала билан шартнома имзолашни режалаштирмоқда. Биринчисининг мюнхенликлар билан шартномаси 2025 йилнинг ёзида, иккинчисининг шартномаси 2026 йилда тугайди.
Англия Премьер-лигасининг жорий мавсумида Пеп Гвардиола шогирдлари пешқадам “Ливерпуль”дан 5 очко ортда қолиб, иккинчи ўринда бормоқда. Миллий чемпионатнинг навбатдаги учрашувида “Манчестер Сити” сафарда “Брентфорд” билан куч синашади.